Struktur Teks Tembang Kreasi Anyar kelas 7

 

STRUKTUR TEMBANG KREASI

 

Ora ana struktur  gumathok kang dadi pathokane tembang kreasi. Teks tembang kreasi anyar strukture bebas, nanging amarga wujude tembang nduweni titi laras lan cakepan . 

1.    Titi laras yen ana ing istilah seni musik saemper karo tangga nada. Asale saka tembung titi kang ateges angka, tulis, notasi, utawa lambang lan l aras tegese susunan nada. Dadi titi laras iku notasi tulis, huruf, angka utawa lambang  kang nuduhake laras tartamtu. Titi laras, utawa cukup diucapake laras, kaperang dadi loro, yaiku: a) Laras slendro ‟‟Slendro‟‟ iku salah sijine laras ing gamelan. Saliyane slendro, ana uga pelog. Ana 5 swara, dumadi saka swara   1   2   3    5    6 (diwaca : ji   ro   lu   ma   nem).  Laras  slendro ora ana swara 4 (papat) karo 7 (pitu).  b) Laras pelog Beda karo laras slendro kang mung dumadi saka 5 swara, laras pelog nduweni  7 swara. Dumadi saka   1   2  3   4  5   6   7 ( diwaca ji   ro   lu   pat   ma   nem   pi). 

2.    Cakepan yaiku naskah, teks, utawa syaire tembang kreasi. Cakepan tembang iki sejatine ora beda karo wangun geguritan kang banjur dilagokake. Saliyane titi laras lan cakepan, struktur  teks tembang kreasi kang awujud langgam (campursari) ora bisa dipisahake karo struktur lagu populer liyane. Ing kono tinemu bagean-bagean, kaya ta  intro, v erse (pada), chorus ( ref fai n ),  lan ending . Perangan-perangan iki ora kudu ana ing tembang dolanan. Intro, yaiku laras wiwitan kang murwakani  sawijining tembang. Perangan iki nduweni fungsi kanggo menehi kalodhangan wiraswara (penyanyi) kanggo nyiapake dhiri sadurunge tembang dilagokake. Intro biasane awujud instrumen musik tanpa cakepan. Verse  yaiku perangan pada pambuka. Ana kalane uga diarani pada  basabasi  amarga ora nduweni isi kang wigati. Nanging perangan iki penting, jalaran kanggo mlebu marang isine tembang. Tembang sing apik nduweni perangan verse sing kuwat tumrap melodi lan harmoni, ora kalah karo perangan reffain . Chorus (reffain) iku perangan kang dadi intine tembang. Ing perangan iki pangripta medharake pesan moral tumrap pamiarsane, mula perangan iki biasane dibolan-baleni. Perangan chorus iki minangka roh utawa klimakssawijine tembang kreasi. Ending , utawa diarani pada panutup iki perangan cakepan tembang kang kanggo mungkasi sawijine tembang supaya krasa nges, ora mandheg ndadak. Wujude bisa perangan reffrain kang dibolan-baleni, bisa uga pungkasaning lagu kang dibolan-baleni, utawa instrumen khusus kang sengaja digawe kanggo mungkasi lagu. 

Saliyane titi laras lan cakepan, struktur  teks tembang kreasi kang awujud langgam (campursari) ora bisa dipisahake karo struktur lagu populer liyane. Ing kono tinemu bagean-bagean, kaya ta  intro, verse (pada), chorus ( ref fai n ),  lan ending . Perangan-perangan iki ora kudu ana ing tembang dolanan. 

1.    Intro, yaiku laras wiwitan kang murwakani  sawijining tembang. Perangan iki nduweni fungsi kanggo menehi kalodhangan wiraswara (penyanyi) kanggo nyiapake dhiri sadurunge tembang dilagokake. Intro biasane awujud instrumen musik tanpa cakepan. 

2.    Verse  yaiku perangan pada pambuka. Ana kalane uga diarani pada  basabasi  amarga ora nduweni isi kang wigati. Nanging perangan iki penting, jalaran kanggo mlebu marang isine tembang. Tembang sing apik nduweni perangan verse sing kuwat tumrap melodi lan harmoni, ora kalah karo perangan reffain . 

3.    Chorus (reffain) iku perangan kang dadi intine tembang. Ing perangan iki pangripta medharake pesan moral tumrap pamiarsane, mula perangan iki biasane dibolan-baleni. Perangan chorus iki minangka roh utawa klimakssawijine tembang kreasi. 

4.    Ending, utawa diarani pada panutup iki perangan cakepan tembang kang kanggo mungkasi sawijine tembang supaya krasa nges, ora mandheg ndadak. Wujude bisa perangan reffrain kang dibolan-baleni, bisa uga pungkasaning lagu kang dibolan-baleni, utawa instrumen khusus kang sengaja digawe kanggo mungkasi lagu.

Sumber : http://smpn20sby.ip-dynamic.com/smpn20sby/mod/page/view.php?id=238

Drama Tradisional Kelas 9

 

Struktur teks naskah kethoprak bisa disumurupi liwat unsur intrinsik kang ana ing naskah. Unsur mau dumadi saka :

a. Tema, yaiku gagasan pokok kang dikembangake dadi crita kang digelar ing pementasan kethoprak.

b. Alur, yaiku tata urutan lumakune crita ing naskah/ pagelaran kethoprak. Kawiwitan saka pengenalan tokoh utamane, tuwuhing masalah kang dialami tokoh utama, ngrembakane masalah kang saya ngambra-ambra ndadekake critane saya muyeg, nganti mbledhose prakara/ masalah mau minangka klimaks-e. Wusana lagi tinemu dalan kanggo mungkasi crita, gumantung marang urutan critane. Sabanjure alur bisa digolongake dadi alur maju, alur mundur, lan alur campuran.

c. Setting/ latar, yaiku gegambaran swasana lumakuning crita kang ginelar. Dumadi saka gegambaraning panggonan, gegambaran waktu, lan gegambaran swasana nalika prastawa dumadi. Mula sabanjure setting kabedakake dadi telu, yaiku : setting waktu, setting panggonan, lan setting swasana.

d. Penokohan, yaiku nggambarake sapa sing dadi rol utama paraga utama, paraga penyengkuyung, serta nggambarake kepriye watak, lan sipate saben tokoh.

e. Amanat, yaiku pesan moral kang kinandhut in crita utawa pementasan kethoprak. Pesan moral iki kang sabanjure bisa dadi tuntunan tumrap sapa bae kang nonton.

Salah sijine cara nulis skenario bisa katindakake kanthi langkah-langkah iki :

     1. Nemtokake tema, idhe pokok drama

     2. Nemtokake paraga/ tokoh lan watak-watake

     3. Ngrancang alur (plot) crita, adegan lan dhialoge para tokoh/ paraga

     4. Nemtokake wektu, latar panggonane crita

     5. Miwiti nulis draf skenario karo nggambarake jiwane naskah

     6. Yen skenario wis dadi diwaca maneh bola-bali supaya luwih apik

Unsur 5W lan 1H ing Teks Wawancara Kelas 8

 

Unsur 5W lan 1H ing teks wawancara:

     a. What, tegese apa. Tembung apa gunane kanggo nakokake barang.

     b. Who, tegese sapa. Tembung sapa gunane kanggo nakokake wong.

     c. Why, tegese geneya. Tembung geneya, kadhang uga dianggo tembung kena apa, nyangapa gunane kanggo nakokake alasan.

     d. When, tegese kapan. Tembung kapan gunane kanggo nakokake wayah utawa wektu.

     e. Where, tegese ing endi. Tembung ing ngendi gunane kanggo nakokake papan panggonan.

     f. How, tegese kepriye. Tembung kepriye gunane kanggo nakokake cara.

Bab-bab sing kudu digatekake nalika wawancara:

     1. Ngerteni sapa sing diajak wawancara, luwih enom, sadrajat apa luwih tuwa.

     2. Ngetrapake unggah-ungguh basa cundhuk karo umure narasumber.

     3. Yen narasumber lagi omong aja nganti munggel rembug.

     4. Pitakon kudu runtut lelandhesan pedhoman wawancara.

 

Teknik nyusun asile wawancara

     Nulis teks asli wawancara ditindakake sawise nindakake wawancara karo narasumber. Ana bab-bab sing kudu digatekake, yaiku :

1.      Teks wawancara ditulis sawise nindakake wawancara

2.      Carane nulis sing takon minangka paraga pewawancara, sing mangsuli dadi paraga narasumber

3.      Olehe nulis ora kena nyimpang saka dhata sing ditulis utawa direkam nalika wawancara

4.      Dhata ditulis kanthi runtut lan ganep manut asil wawancara

Gawea ukara pitakon gawe unsur 5W lan 1H , saben ukara cacahe 5 !

Unsur Basa Teks Wawancara Kelas 8

Unsur basa teks wawancara

     a. Ukara tanduk yaiku ukara sing jejere nindakake pegawean utawa pakaryan. Jalaran nidakake pagawean titikane wasesane migunakake tembung kriya tanduk. Tuladha :

        1. Bu Siti mundhut gendhang raja setangkep.

       2. Sumantri nggoleki adhine.

     b. Ukara tanggap yaiku ukara sing jejere dikenani pagawean utawa pakaryan. Titikane ukara tanggap wasenane migunakake kriya tanggap. Tuladha :

       1. Sapine diengon dening Sakri ing pinggir alas Jabon.

       2. Kripik gedhang agung didadekake unggulan kabupaten Lumajang.

     c. Ukara pitakon yaiku ukara sing isine nakokake sawenehe bab. Titikane ukara pitakon yaiku anane tembung pitakon. Jinise tembung pitakon akeh, antara liya : apa, sapa, pira, kapan, kepriye, geneya, ing endi. Tuladha :

       1. Punapa kemawon raos kripik pisang prodhuk panjenengan bu ?

       2. Biasanipun panjenengenan pikantuk pesenan saking pundi kemawon ?

       3. Kadospundi caranipun masaraken krikpik pisang punika ?  

Gladhen !

Gawea saben ukara cacahe 5 ukara wae !

Teks Wawancara Kelas 8

 Wawancara yaiku kegiatan dhialog antarane pewawancara utawa wong sing golek informasi lan narasumber. Pewawancara yaiku pawongan sing golek informasi, dene narasumber yaiku wong sing dadi sumbere pitakonan. Narasumber kudu wong sing ngerti sakabehe informasi sing dibutuhake. Tujuane wawancara yaiku golek warta, informasi, katrangan ngenani sawehane bab kanggo kaperluan tartamtu. Teks wawancara yaiku teks sing nggambarake pacelathon utawa dhialog antarane pewawancara karo narasumber.

 

2. Sajroning nindakake wawancara ana bab-bab sing kudu digatekake, yaiku :

            1. Nemtokake tujuan wawancara

            2. Nemtokake topik utawa tema sing arep ditakokake

3. Nyiapake dhaftar pitakonan minangka pedhoman nalika nindakake wawancara lelandhesan 5W+1H

      4. Nganakake pasetujon karo narasumber kanggo nemtokake papan panggonan lan wektu wawancara

      5. Nindakake wawancara lelandhesan dhaftar pitakonan kang wis disiapake supaya nalika nindakake wawancara bisa runtut lan genep, supaya pitakonan ora ana sing kliwatan, lan wawancara bisa tumata lan munjer

            6. Nulis bab-bab sing penting utawa ngrekam pacelathon

            7. Nggunakake unggah-ungguh sing apik kanggo ngajeni marang narasumber

Tuladha teks wawancara :

Topik                   :  Ndamel tahu

Tujuan                 :  Ngerteni carane ndamel tahu

Daftar pitakon     : 

Achmad               : “ Assalammualaikum! “

Pedagang             :  “ Waalaikumsalam. “

Achmad               :  “ Buk, kula badhe wawancara panjenengan pripun carane ndamel tahu.                          Napa ibu    saget? “

Pedagang             :  “ Bisa, ayo – ayo “

Achmad               :  “ Sinten namine ibu? “

Pedagang             :  “ Ibu Wardiyah “

Achmad               :  “ Bu kulo badhe tangklet napa wae bahan sing diperlukake kangge proses damel tahu? “

Pedagang             :  “ Dele, cuka (oleh saka endapan sari tahu), minyak goreng, lan solar (kanggo ngendalino mesin giling). “

Achmad               :  “ Pripun carane ndamel tahu? “

Pedagang             :  “ Tahap kesiji, dele direndem 5 jam. Tahap keloro, dele sing wes mari direndem di umbah sampek resik. Tahap ketelu, dele mau digiling terus dijupuk ampase kari patine. Tahap kepapat, dikei cuka lan diaduk terus dijarno, cuka dijupuk maneh. Tahap terakhir, saripati dicetak lan langsung digoreng. “

Achmad               :  “ Bu, wawancara niki sampun rampung. Kula lan rencang – rencang matur nuwun sanget kangge ibu. Kula lan rencang – rencang badhe pamit wangsul. Wassalamualaikum. “

Pedagang             :  “ Waalaikumsalam. “

Sumber : https://belajaritumenyenangkan-blog.blogspot.com/2016/11/contoh-wawancara-bahasa-jawa.html

Struktur teks wawancara iku kaperang dadi telu yaiku :

     a. Idhentifikasi yaiku perangan utawa bagean teks sing nerangake titik (ciri), barang, tandha lan sapanunggalane

     b. Klasifikasi / dhefinisi yaiku perangan teks kang mantha-mantha utawa milah manut jinise utawa klompoke

     c. Dheskripsi bagean yaiku perangan teks sing nerangake gegambaran sing luwih rinci lan cetha

Wujude Tembung kelas 7

 

Manut wujude tembung kaperang dadi loro, yaiku tembung lingga lan tembung andhahan:

       a. Tembung Lingga (kata dasar)

     Tembung lingga yaiku tembung sing durung owah saka asale. Tuladha : omah, anak, putra, panas, dawa, sugih, lunga, tuku, klambi, anyar, apik, sapu, banyu, lan sapanunggalane.

       b. Tembung Andhahan (kata berimbuhan)

       Tembung andhahan yaiku tembung sing wis owah saka asale. Tuladha : diparingi, nulis, nyapu, gumuyu, anake, nggambarake, nambani, digawa, nyapu, ngombe, nyawang, nyolong, lan sapanunggalane. 

Pangrimbage/Pandhapuke Tembung Andhahan:

Tembung lingga bisa owah dadi tembung andhahan kanthi cara diwenehi wuwuhan (imbuhan), dirangkep, lan dicambor.

a)      Wuwuhan

Wuwuhan kaperang dadi telu, yaiku:

(1)   Ater-ater (Awalan)

Tuladha :

Tembung Lingga	Tembung Andhahan	Pangrimbage
Sapu	Nyapu	Any- + sapu
Omah	Saomah	Sa- + omah
Guru	Maguru	Ma- + guru
Gambar	Nggambar	Ang- + gambar
Thuthuk	Nuthuk	An- + thuthuk
Gawa	Kagawa	Ka- + gawa
Bathik	Mbathik	Am- + bathik
Pilih	Dipilih	Di- + pilih
Jupuk	Kojupuk	Ko- + jupuk
Timba	Daktimba	Dak- + timba
Sapu	Kasapu	Ka- + sapu

            (2) Seselan yaiku wuwuhan sing manggon ing tengahe tembung. Tuladha :

·                                     um [..um..+guyu=gumuyu]

·                                      in [..in..+carita=cinarita]

·                                      el [..el..+siwer=seliwer]

·                                     er [..er..+canthel=cranthel]

       (3) Panambang yaiku wuwuhan sing manggon ana ing mburine tembung. Tuladha :

·                                     i [kandh+i=kandhani]

·                                     ake [jupuk+ake=jupukake]

·                                     ne [teka+ne=tekane]

·                                     e [omah+e=omahe]

·                                     ane [jaluk+ane=jalukane]

·                                      ke [kethok+ke=kethokke]

·                                     a [dudut+a=duduta]

·                                     na [gawa+na=gawakna]

·                                    ana [weneh+ana=wenehana]

·                                     en [lepeh+en=lepehen]

·                                     ku [buku+ku=bukuku]

·                                     mu [klambi+mu=klambimu]

·                                    e [omah+e=omahe]